Таразда ер адам өзін кранға байлап тастаған: ол қандай талап қойды

Таразда ер адам өзін құрылыс кранына байлап, күш құрылымдарына талаптар қойды, деп хабарлайды Zakon.kz.

Оқиға туралы бейне әлеуметтік желілерде таратылды. Артынша азаматтың өзі түсірген бейнесі де пайда болды.

"Мен алаяқтарға наразылық білдіру үшін кранда отырмын. Оларға қарсы заң жұмыс істемейді. Сондықтан наразылық ретінде шешуші шараларға баруды шештім. Түсініңіздер, бұл суицид емес. Мен тек алаяқтарға қарсы шаралар қабылданса екен деймін... ...Олар тіптен басыгып алды...".

Жамбыл облысының полициясы оның бұл әрекетінің алдында не болғанын айтты. Сот шешімі бойынша ер адамға белгілі бір соманы төлеуге тура келген, алайда ол әлі күнге төленбеді.

"Осы азаматтың пайдасына ақшалай қаражат төленуі тиіс сот шешімін орындамау фактісі бойынша ҚР ҚК 430-бабының 1-бөлігі бойынша сотқа дейінгі тергеу басталды. Қылмыстық істі тергеу барысы Жамбыл облысы прокуратурасы мен полиция департаменті басшылығының бақылауында. Тергеу аяқталғаннан кейін заңды процессуалдық шешім қабылданады. Сондай-ақ, аталған азамат пен оның жұбайының шағымдары бойынша Жамбыл облысының аумағында алаяқтық туралы, оның ішінде олар жәбірленуші немесе куәгер болып табылатын қылмыстық істердің тіркелмегенін хабарлаймыз", — деп толықтырды полиция.

Сондай-ақ, ер адам бірнеше рет прокуратура басшылығының және облыс полиция департаментінің жеке қабылдауында болғанын атап өтті, онда онымен түсіндіру жұмыстары жүргізілді.

"Бүгін Жамбыл облысының "112" қызметіне Тараз қаласында өзін 4-қабат деңгейінде, Сәтбаев көшесі мен Жамбыл даңғылының қиылысында мұнара кранына байлаған ер адамның өзіне-өзі қол жұмсау әрекеті туралы хабарлама келіп түсті. Оқиға орнына ТЖМ күштері дереу жол тартты. Жедел-құтқару жасағының келген құтқарушылары мен психологтары ер адаммен әңгімелесіп, оның назарын аударды. Осыдан кейін құтқарушылар альпинистік жабдықты қолданып, ер адамды түсіріп, полиция қызметкерлеріне тапсырды", — деді ТЖМ.

Бұған дейін соңғы екі жылда 8 мың түрлі қару тәркіленгені хабарланған болатын.