Қарағанды облысында түнгі клубта өрт шықты

Қарағанды облысының өрт сөндірушілері түнгі клубтағы өртті сөндірді, деп хабарлайды Zakon.kz.

Қарағандыдағы Кирпичная көшесінде төрт қабатты ғимараттың екінші қабатында түнгі клубтың ас үй бөлмесінде ағаш қалқалар мен жиһаздар өртенді.

Өрт сөндірушілер келгенге дейін түнгі клубтың әкімшілігі адамдарды далаға шығарды.

"Өрт 80 шаршы метр алаңда сөндірілді. Зардап шеккендер жоқ, себебі анықталып жатыр", - деп хабарлады Төтенше жағдайлар министрлігі.

Ведомство азаматтарға өрт қауіпсіздік ережелерін сақтауды ескертті.