Астанада базар аумағындағы қоймада ірі өрт шықты

Төтенше жағдайлар министрлігі өрт сөндірушілері Астананың Байқоңыр ауданында қоймадағы өртті сөндірді, деп хабарлайды Zakon.kz.

Оқиға орнында күштер мен құралдар жоғары дәрежеде жұмыс істеді.

ТЖМ хабарлауынша, базар аумағындағы ангарлық үлгідегі қоймада өрт шыққан. Өрт сөндірушілер ғимараттың шатырын ашып, өртті сөндірді.

"Өрт орнында жедел штаб құрылып, 3 жауынгерлік учаске жұмыс істеді. Өртті сөндіруге 6 су оқпаны берілді. Полиция департаментінің қызметкерлері өрт болған жерді қоршады", - делінген хабарламада.

Оқиға орнына жеке құрамның 82 адамы және 21 техника жұмылдырылды.

Өрт сөндіру бөлімшелерінің жедел іс қимылдарының арқасында оттың таралуына жол берілмеді.

Зардап шеккендер туралы ақпарат 112-ге түскен жоқ.