Қарағанды – Астана тас жолында қарлы бораннан көлік кептелісі пайда болды

2025 жылғы 21 қаңтарда Теміртау қаласының терминалында шамамен 300 автокөлік жиналды. Оқиға ауа-райының нашарлауына байланысты болған. Жол қозғалысы қауіпсіздігін қамтамасыз ету үшін Қарағанды-Астана автожолы уақытша жабылды, деп хабарлайды Zakon.kz.

Қарағанды облысы полиция департаментінің (ПД) баспасөз қызметі жолаушыларға өтінішпен жүгінді.

Мамандар ауа райы жағдайы жақсарып, жол ашылғанға дейін жүргізушілерді алыс сапарлардан бас тартуға шақырады. 

Посмотреть эту публикацию в Instagram

Публикация от Қарағанды полициясы (@policeofkaraganda)

"Барлық жол қозғалысына қатысушылардан сақтық шараларын сақтауды, жолдардың жағдайы туралы ақпаратты қадағалап, төтенше қызметтердің ұсынымдарын ескеруді сұраймыз", – деп хабарлады Қарағанды облысы ПД патрульдік полиция батальонының командирі Медет Нұрмұханов.

Бұған дейін Астана әуежайы жолаушыларға маңызды хабарлама жасаған болатын.