Алаяқтар Қазақстандағы ең ірі холдингтің мүддесін пайдаланған

"Самұрық-Қазына" қорының атынан алаяқтар әрекет ете бастады. Қазақстандықтар арасында танымал Instagram және Facebook желілерін пайдаланатын алаяқтар тегін инвестициялық оқытудың іске қосылатыны туралы жарнама таратуда, деп хабарлайды Zakon.kz.

"Самұрық-Қазына" АҚ баспасөз қызметі әлеуметтік желілерде алаяқтық фактілері жиілеп кеткенін баса айтып, мәлімдеме жасауға асықты.

Холдинг мамандары тегін оқыту туралы хабарламаларға еш қатысы жоқ екенін түсіндірді:

Алаяқтар Қордың аты қолданылған сайтқа өтіп, инвестиция бойынша тегін оқудан өту туралы жарнама таратуда. Бұл әрекеттердің Қордың қызметіне еш қатысы жоқ. Сіздерден сақ болуды және ешқашан жеке деректеріңізді, шот бойынша мәліметтерді өздерін әртүрлі ақпаратпен таныстыратын үшінші тұлғаларға бермеуді сұраймыз.

Сурет: sk.kz

Бұған дейін Қазнетте алаяқтардың тас жолға өтіп кеткені туралы хабарламалар белсенді түрде тарап жатқанын хабарлаған едік. Хабарламада айтылғандай, алаяқтар күндіз жол жиегіндегі балалар орындықтарын пайдаланып жүргізушілерді көліктерінен түсіріп алады, ал түнде алдыңғы әйнектерге жұмыртқа лақтырады. Әрі қарай, автор жәбірленуші көліктен түскеннен кейін оны тонап, зорлап, өлімге қалдырады деп мәлімдейді.