Алматы, Шымкент, Астана және басқа да бірқатар қалалардың тұрғындарына ауаның ластануы туралы ескертілді

Қазақстандық синоптиктер республиканың жеті қаласының тұрғындарына ескерту жасады, деп хабарлайды Zakon.kz тілшісі.

"Қазгидромет" РМК мәліметінше, оларда ауаның ластануы күтілуде.

"2025 жылдың 28 қаңтарында Алматы, Шымкент, Атырау, Өскемен, Балқаш, Жезқазған қалаларында, түнде Астанада ауаның ластануының қолайсыз метеорологиялық жағдайлары күтіледі", – делінген хабарламада.

Бұған дейін синоптиктер циклон 2025 жылдың 28-30 қаңтары аралығында Қазақстанға тұрақсыз ауа райы әкеледі деп хабарлаған болатын.