Ресейдегі бұғаттау салдарынан Қазақстан интернетсіз қалуы мүмкін бе

Интернет, социальные сети, ноутбук, компьютер, работа за ноутбуком, wi-fi  , сурет - Zakon.kz жаңалық 30.01.2025 14:54 Фото: pexels
2025 жылдың 30 қаңтарында Сенатта өткен брифингте Цифрлық даму, инновациялар және аэроғарыш өнеркәсібі вице-министрі Асхат Оразбек Ресейдегі интернеттің істен шығуы мен бұғатталуы Қазақстанға қалай әсер етуі мүмкін екенін айтты, деп хабарлайды Zakon.kz тілшісі.

Ол Қазақстанның Ресей, Қытай және басқа да елдер арқылы халықаралық байланыс жүйелерімен байланысы бар екенін растады.

"Яғни, теориялық тұрғыда Ресейде интернетке толық тосқауыл қойылса, бізде жаһандық желіге басқа қолжетімділік болады. Сонымен қатар, биыл Қазақтелеком "AzerTelecom" компаниясымен бірлесе отырып, транскаспийлік кабельдің құрылысын жүргізуде. Бізде тағы бір қосымша транзит арнасы болады. Біз бұл жұмысты биыл бастап жатырмыз, биыл бітіреміз, ең алдымен маршруттың өзі 2026 жылы іске қосылады", – деп жауап берді Асхат Оразбек.

Вице-министр бұл интернеттің сапасы мен жылдамдығына әсер ететінін де атап өтті.

"Интернеттің тұрақсыздығының себептеріне келсек (қазақстандықтар арасында – Ред.): олардың саны аз емес. Негізгі байланыс арналары проблема туғызбайды. Сірә, мәселе жергілікті оператор деңгейінде болса керек. Мен жаңа талшықты оптиканың құрылысын үйдегі интернет жылдамдығының секіруімен байланыстырмас едім.", – деп қосты ол.

2024 жылдың 21 қаңтарында Қазақстан кеңселердегі Wi-Fi сапасын бақылауды жоспарлап отырғаны белгілі болды.

Мақаламен бөлісу
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: