Мемлекеттік сайттардың істен шығуы: таяуда болған интернеттегі ақаудың алдын ала себебі белгі болды

Интернет, социальные сети, ноутбук, компьютер, работа за ноутбуком, wi-fi  , сурет - Zakon.kz жаңалық 30.01.2025 15:30 Фото: pexels
Цифрлық даму, инновациялар және аэроғарыш өнеркәсібі вице-министрі Асхат Оразбек 2025 жылғы 30 қаңтарда Сенатта таяуда болған интернеттің істен шығуының, оның ішінде үкіметтік сайттардың неліктен жұмыс істемей қалуының себебін айтты, деп хабарлайды Zakon.kz.

Вице-министр екі жағдай орын алды деп жауап берді.

"Ақаулар операторлардың байланыс желілерінде болған жоқ. Шындығында, біздің талдауымызша ақаулықтар бізбен қатар, көрші Ресей елінде де болған. МЕТА компаниясының қызметтері істен шықты. Олардың құзыретіне нелер кіретіні белгілі. Ал, еліміздегі мемлекеттік сервистердің істен шығуы ҰАТ АҚ ұлттық операторының инфрақұрылымындағы іркілісімен байланысты",- деді ол.

Асхат Оразбек еш жерде мінсіз инфрақұрылым жоқ екенін атап өтті.

"Мета компаниясы – әлемдегі ең ірі контент-провайдерлердің бірі, соған қарамастан оның да инфрақұрылымында ақаулар бар. Бізде де бар, бірақ бізде аз. Соңғы үлкен іркіліс 2023 жылдан кейін, осы таяудағысы болды. Бұл ақауларды мүмкіндігінше жоямыз. Біз жай ғана жойып қана қоймай, себептерді тауып, олар пайда болған аймақта ақаулардың қайталану мүмкіндігін тоқтатамыз", – деді ол.

Ол сондай-ақ ақаулардың сыртқы факторларға байланысты екенін жоққа шығарады.

"Біздің инженерлер қазір зерттеп жатыр. Олар транзитте бұл қатенің қай жерде екенін тапты және біз қазір апаттарға әсер етуі мүмкін бүкіл экожүйені зерттеп жатырмыз. Алдын ала себептер – жабдықтың істен шығуы. Мен әлі нақты айта алмаймын, өйткені тергеу болады", – деп толықтырды Асхат Оразбек.

Бұған дейін Цифрлық даму вице-министрінің ұялы байланыс операторларының тарифтеріне наразы екендігі хабарланған болатын.

Мақаламен бөлісу
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: