Петропавл еліміздегі қылмыс өршіп тұрған өңірлердің үздік үштігіне кірді

Петропавл 2024 жылы халықтың 10 мың адамына шаққанда тіркелген қылмыстар саны бойынша үшінші орынды иеленді. Алдыңғы қатарларда ірі мегаполистер Астана мен Алматы тұр, деп хабарлайды Zakon.kz.

Петропавловск.news дерегінше, өңірдегі құқық бұзушылықтар туралы аймақ прокурорының аға көмекшісі Максим Доровик айтты.

Оның айтуынша, соңғы бес жылда облыста тіркелген құқық бұзушылықтар саны шамамен 30%-ға төмендеген. Бұл ретте 2024 жылы бірқатар ауыр қылмыстардың өсуі тіркелді.

"Денсаулыққа ауыр зиян келтіру жағдайларының саны 19%-ға, бопсалау 50%-ға, есірткі сату 6%-ға өсті", – деп атап өтті прокурордың аға көмекшісі.

Сондай-ақ жыныстық сипаттағы зорлық-зомбылық әрекеттерінің саны 67%-ға, оның ішінде кәмелетке толмағандарға қатысты – 100%-ға өсті.

Қылмыстың жалпы төмендеуіне қарамастан, облыс орталығы қылмыс деңгейі жоғары өңірлер қатарында қалып отыр. Нақтырақ айтқанда, 10 мың тұрғынға шаққанда 103 құқық бұзушылықтан келеді.

Бұған дейін Петропавлда тұрғындарға су жүйесіндегі уақытша кідірістер жайлы ескертілгендігі хабарланған болатын.