БҚО прокуратурасы 43 балабақша қызметкерінің конституциялық құқықтарын қорғады

Батыс Қазақстан облысы Сырым ауданының прокуратурасы талдау аясында міндетті салық төлемдерінің төленбеу фактісін анықтады.

"Балдырған" балабақшасының 43 қызметкеріне арналған міндетті әлеуметтік медициналық сақтандыруды қоса алғанда 8 ай бойы төленбей келген 26 миллион теңге көлеміндегі міндетті төлемдердің барлық түрлері бойынша берешегі бар екені анықталды.

Нәтижесінде 43 балабақша қызметкері денсаулық сақтау және медициналық көмекке кепілдік беру бойынша конституциялық құқықтарын жүзеге асыра алмады.

Аталған факт бойынша облыстық Білім басқармасына прокурорлық қадағалау актісі енгізіліп, жауапты лауазымды тұлғалар тәртіптік жауапкершілікке тартылды, берешек толығымен өтелді.