Алдағы күндері Қазақстанда күн суытып, аяз жүреді

"Қазгидромет" РМК мамандары алдағы үш күнге – 2025 жылдың 6-8 ақпанына дейінгі ауа райы болжамын ұсынды, деп хабарлайды Zakon.kz.

Бұдан шығатыны, Қазақстанның кейбір облыстарында түнде ауа температурасының біртіндеп төмендеуі күтіледі:

• батыста -10-15°С дейін,
• солтүстік-батыста – 17-25°С дейін,
• солтүстікте, орталықта – 17-28°С дейін,
• елдің шығысында -18-35°С дейін.

"Алдағы үш тәулікте республиканың басым бөлігінде кең ауқымды антициклонның ықпалында жауын-шашынсыз ауа райы күтіледі. Барлық кезеңде Ақмола облысында, 8 ақпаннан бастап еліміздің солтүстігінде, солтүстік-батысында, оңтүстігінде атмосфералық фронтальды бөліктерде аздаған қар жауады, оңтүстікте жауын-шашын күтіледі. " "Қазгидромет" РМК

Бұған дейін синоптиктер Қазақстанның 2025 жылдың ақпан айына арналған ауа райы болжамын ұсынған болатын. Олардың айтуынша, елімізде қыстың соңғы айында жауын-шашын, үсік, температураның ауытқуы күтілуде.