Қазақстандық балалар хирургиясының негізін қалаушы Камал Ормантаев қайтыс болды

Белгілі академик, қазақстандық балалар хирургиясының негізін қалаушы Камал Ормантаев дүниеден өтті. Ол 88 жаста еді, деп хабарлайды Zakon.kz.

Бұл туралы 2025 жылдың 12 ақпанында ұлы Жарас Ормантай айтты.

"Бүгін түнде менің сүйікті әкем, қазақстандық балалар хирургиясының негізін қалаушы, академик Камал Ормантаев дүниеден өтті", – деп жазды ол Facebook парақшасында.

Камал Сәруарұлы Ормантаев – педиатр, медицина ғылымдарының докторы, профессор, ғылымға еңбегі сіңген қайраткер, Қазақстан Республикасы Ұлттық ғылым академиясының академигі, Қазақстан Республикасының Профилактикалық медицина академиясының академигі және вице-президенті, Қазақстан Республикасы Мемлекеттік сыйлығының лауреаты. 1968-2011 жылдары ҚазҰМУ-дың балалар хирургиясы кафедрасын басқарды, сонымен қатар Алматы медицина институтының педиатрия факультетінің деканы (1978-1980, 1989-1991) және Қазақстан Республикасының Педиатрия және балалар хирургиясы ғылыми орталығының директоры (1919-1918) болды. Ол 20 мыңға жуық хирургиялық араласу жасап, Қазақстанда бірінші болып балалардың кеуде қуысының туа біткен деформациясына торакопластика жасады.

2025 жылдың 11 қаңтарында белгілі қазақстандық ғалым Мекемтас Мырзахметовтың өмірден озғаны белгілі болды.