Еліміздің бірқатар аймақтарындағы ауа райының қолайсыздығына байланысты жолға шығуға тыйым салынды

2025 жылғы 13 ақпандағы таң сәрідегі ауа райының құбылмалдылығы бірқатар өңірлердегі тас жолдарда көлік қозғалысын шектеуге алып келді, деп хабарлайды Zakon.kz.

Мәселен, таңғы 07:00-ден бастап, Ақмола облысында "Астана-Петропавл" автожолының 18-232 шақырым аралығындағы учаскесінде (Астана қ. – Щучинск қ.) көліктің барлық түрінің қозғалысына шектеу қойылады.

Ал, 8:00-ден бастап, "Астана-Ерейментау-Шідерті" 16-200 ш, Астана қ. уч. – Павлодар облысы шекарасына дейінгі жол жабылды.

Сондай-ақ, дәл осы уақытта Павлодар облысында "Астана-Ерейментау-Шідерті" 200-254ш , Ақмола облысы ш. уч.-Шідерті кенті облысы шекарасына дейін көліктің барлық түрінің қозғалысына шектеу енгізілді.

Бұл ретте, жолдарды ашу 13 ақпан сағат 17:00-ге жоспарланған.

08:40-тан бастап "Астана-Қарағанды-Алматы" тас жолының бірқатар учаскелері жабылды:

• 1291-1353ш, Жібек Жолы ААП – Ақмола облысы шекарасына дейін;
• 1353-1426 ш, Ақмола облысы шекарасы учаскесі – Теміртау ААП шекарасына дейін.

Бұл жолды ашу 2025 жылғы 14 ақпан сағат 08:00-ге жоспарланған.

Бұған дейін Алматы әуежайында хабар-ошарсыз кеткен әйел табылғандығы хабарланған болатын.