Дәурен Ерғарин ҚР Президенті Әкімшілігіндегі Алексей Калайчидидің орнына келді

Мемлекет басшысының өкімімен Алексей Калайчиди лауазымынан босталды. Оның орнына Дәурен Ерғарин тағайындалды, деп хабарлайды Zakon.kz.

Бұл жайлы 2025 жылғы 17 ақпанда Ақорда мәлімдеді.

"Мемлекет басшысының өкімімен Алексей Дмитриевич Калайчиди Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі лауазымынан босатылды",- делінген ақпаратта.

Оның орнын Дәурен Ерғарин басты.

"Мемлекет басшысының өкімімен Дәурен Тілекұлы Ерғарин Қазақстан Республикасы Президенті Әкімшілігінің Құқық қорғау жүйесі бөлімінің меңгерушісі лауазымына тағайындалды".Ақорда

Сурет: akorda.kz

Алексей Дмитриевич Калайчиди -1963 жылы 3 қаңтарда Алматы облысы, Еңбекшіқазақ ауданы, Есік қаласында дүниеге келген. 1985 жылы Фрунзе политехникалық институтын "Тау-кен инженері", 2008 жылы Е.Букетов атындағы Қарағанды мемлекеттік университетін "заңгер" мамандықтары бойынша бітірген.

• 1985-1989 жылдары – Қырғыз КСР Тоқмақ қаласындағы №93 арнаулы басқарманың шебері, Шымкент қаласындағы "Южгорсельпроект" мемлекеттік жобалау институтының инженері;
• 1989-1990 жылдары – КСРО Ішкі істер министрлігі Жоғары академиялық курсының тыңдаушысы;
• 1990-1998 жылдары – Оңтүстік Қазақстан облысы Ішкі істер департаментінің қылмыстық іздестіру жөніндегі жедел уәкілі, бөлім бастығы;
• 1998-2005 жылдары – Ішкі істер министрлігі Әкімшілік полиция комитеті басқарма бастығының орынбасары, басқарма бастығы;
• 2005-2006 жылдары – Ішкі істер министрлігі заң қызметінің жетекшісі, жеке құрам жөніндегі инспекция бастығы;
• 2006-2008 жылдары – Жамбыл облыстық Ішкі істер департаменті бастығының тәрбие және кадр жұмыстары жөніндегі орынбасары;
• 2008-2016 жылдары – Қазақстан Республикасы Президентінің Әкімшілігі Құқық қорғау жүйесі бөлімінің инспекторы, сектор меңгерушісі, бөлім меңгерушісінің орынбасары;
• 2016-2019 жылдары – Қазақстан Республикасы Президентінің Әкімшілігі Құқық қорғау жүйесі бөлімінің меңгерушісі;
• 2019-2021 жылдары – Ішкі істер министрінің орынбасары;
• 2021 жылғы шілдеден 2023 жылғы 31 тамызға дейін Қазақстан Республикасы Президентінің Әкімшілігі Қауіпсіздік және құқықтық тәртіп бөлімінің меңгерушісі;
• 2023 жылғы 1 қыркүйектен бастап Қазақстан Республикасы Президентінің Әкімшілігі Құқық қорғау жүйесі бөлімінің меңгерушісі;

Сурет: Facebook/Дәурен Ерғарин

Дәурен Тілекұлы Ерғарин - 1982 жылы 10 қаңтарда Батыс Қазақстан облысында дүниеге келген. А.С. Пушкин атындағы Батыс Қазақстан мемлекеттік университетін бітірген. (2002), М. Өтемісов атындағы Батыс Қазақстан мемлекеттік университетін тамамдаған (2006).

• Еңбек жолын Батыс Қазақстан облысы және Алматы облысы бойынша Экономикалық қылмысқа және сыбайлас жемқорлыққа қарсы күрес департаментінің (қаржы полициясы) түрлі жедел және басшылық лауазымдарында бастады (2004-2012).
• Аса маңызды істер жөніндегі Офицер, басқарма басшысының орынбасары, Астана қаласы бойынша Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) департаменті жедел басқармасының басшысы (2015-2018);
• Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы іс-қимыл Ұлттық бюросы (Сыбайлас жемқорлыққа қарсы қызмет) басшысының орынбасары, жедел департаментінің басшысы (2018-2019);
• Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) 3 департаментінің басшысы (2019-2020);
• Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Алматы қаласы және Қызылорда облысы бойынша департаменті басшысының орынбасары (2020-2021);
• Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) анықтау және жолын кесу қызметінің басшысы (2021-2022);
• Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Ақтөбе облысы бойынша департаментінің басшысы (28.06-21.12.2022);
• ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Шымкент қаласы бойынша департаментінің басшысы (21.12.2022-07.2024);
• ҚР Президенті Әкімшілігінің Құқық қорғау жүйесі бөлімі меңгерушісінің орынбасары. 

Бұған дейін Нұрдәулет Төлеев президент Әкімшілігіндегі қызметінен босатылғаны, оның орнына Ербол Адаевтың келгендігі хабарланған болатын.