Әуежайда есірткіні "ерекше түрде" жасырған контрабандист ұсталды

Колумбия әуежайында 40 жастағы ер адам 19 кокаин капсуласын париктің астына салып өтпек болды, деп хабарлайды Zakon.kz

Global News дерегінше, есірткі схемасы осы жылдың ақпан айының басында ашылды. Картахенадағы Рафаэль Нуньес халықаралық әуежайынан полицейлер 14 мың канадалық долларға жуық бағаланған есірткіні тапқан. Онда ер адам Нидерланды астанасы Амстердамға ұшатын ұшаққа мінбекші болған. 

Полиция жариялаған бейнеден есірткінің шашқа қалай жасырылғанын көруге болады. Құқық қорғау органдары оларды 400 дозаға тең деп есептеді.

Таратылған ақпаратқа сүйенсек, 2024 жылы Колумбияда есірткі сатқаны үшін 450-ден астам адам қамауға алынған. 

Бұған дейін Конгода 50-ден астам адам белгісіз аурудан өлім құшқандығы хабарланған болатын.