Ақтау тұрғындарының крандарында ауыз судың орнына техникалық су ағуда

Ақтауда 3-шағын аудандағы №146 үйдің тұрғындары төрт күн бойы крандарында ауыз судың орнына техникалық су ағып жатқанына наразы, деп хабарлайды Zakon.kz.

Бұл жайлы Lada.kz-ке үй тұрғындары мәлімдеген. Бұған бірнеше күн бұрын мердігердің үйдің жанындағы құбырларды ауыстыруы себеп болуы мүмкін, дейді тұрғындар. Жұмыстар 22 ақпанда аяқталған. Содан бері, краннан аққан суда жағымсыз тұзды дәм бар.

Мәселеге "Каспий жылу, су арнасы" МКК (КЖСА) түсініктеме берді. Онда Ақтаудағы үй тұрғындарының крандарында техникалық су ағып жатқаны расталды.

Бұл ретте, мекеме олардың желілерінде су мен өзге заттардың араласуы мүмкін емес екенін айтты.

"Егер ауыз судың орнына краннан техникалық су ағып жатса, пәтерлердің бірінде араластырғыш арқылы судың ауысуы орын алған, пәтерде тексеру жүргізу үшін ПКСК мамандарына хабарласу қажет", – деді баспасөз қызметі.

Сондай-ақ, ұйым №146 үй тұрғындарының мәселесін тез арада шешуге уәде берді.

Бұған дейін Ақтау тұрғынының өз баласына 50 миллион теңге қарыз екендігі хабарланған болатын.