Жамбыл ауданында "Адал ұрпақ – ұлт болашағының кепілі" атты жастар форумы өтті

Бүгін Жамбыл ауданында білім бөлімінің ұйымдастыруымен "Заң және тәртіп" қағидасы аясында "Адал ұрпақ – ұлт болашағының кепілі" тақырыбында аудан жастарының форумы өтті.

Форумға аудан әкімі Ерлан Қыдыралыұлы, ЖО полиция департаментінің бастығы Бақытжан Малыбаев пен құқық қорғау органдары, мектеп директорлары, мұғалімдер, білім алушылар, колледж студенттері және жоғарғы сынып оқушылары қатысты.

Сурет: Жамбыл облысы әкімдігінің баспасөз қызметі

Аудандық форумда ЖОПД бастығының орынбасары Б.Жанаев, Ш.Мұртаза атындағы ХТИУ профессоры О.Жолдасова, М.Х.Дулати атындағы Тараз универститетінің философия ғылымдарының кандидаты Д.Күлбаева бала тәрбиесінде ұрпақтарды жіктеу теориясын қолдану, ұрпақтар сабақтастығы, "Толық адам концепциясына" негізделген тәрбие беру мәселелерін қозғады.

Сурет: Жамбыл облысы әкімдігінің баспасөз қызметі

Ал белсенді жас Еламан Юсуп өз замандастарына жалынды сөз арнап, білім алуға, өнерді үйренуге шақырды.

Сурет: Жамбыл облысы әкімдігінің баспасөз қызметі

Жастар мен жасөспірімдер үшін маңызы зор жиын патриоттық "Атамекен" әнімен түйінделді.

Сурет: Жамбыл облысы әкімдігінің баспасөз қызметі