Алматыда Құлжа тас жолында жол апаты болып, үш адам ауруханаға жатқызылды

Алматыдағы Құлжа трактісінде 28 ақпанға қараған түні жаппай жол апаты орын алып, салдарынан үш адам ауруханаға түсті, деп хабарлайды Zakon.kz.

Алдын ала мәліметтер бойынша, BMW 5 автокөлігінің жүргізушісі оңтүстік бағытта келе жатып, ұзақ бұрылыста рульге ие бола алмай, жолдың қарсы бетіне шығып кеткен.

Сурет: Zakon.kz

Онда Hyundai көлігімен соқтығысып, артынша BMW екі Toyota Carina E және Hyundai Elantra көліктерімен соқтығысқан.

Сурет: Zakon.kz

Апаттан BMW жүргізушісі мен жолаушысы, сондай-ақ бір Toyota Carina E жүргізушісі зардап шегіп, ауруханаға түсті.

Сурет: Zakon.kz

Оқиға орнында жол-патрулі мамандары, ЖКО-ның мән-жайын анықтады.

Сурет: Zakon.kz

Бұған дейін Қостанайда фельдшерді ұрған апалы-сіңлілер сот алдында жауапқа тартылуда екендігі хабарланған болатын.