Аягөзде ер адам полицейлерді қорлағаны үшін жазаланды

Абай облысында ер адам полицейлерді қорлағаны үшін жазаланды, сурет - Zakon.kz жаңалық 28.02.2025 17:15 Сурет: polisia.kz
Абай облысы Аягөз қаласында 45 жастағы жергілікті тұрғын құқық қорғау органдарының қызметкерлеріне дөрекілік танытқаны үшін жазаланды, деп хабарлайды Zakon.kz.

Кешкі уақытта орталық базар маңындағы сыраханаға барған азамат едәуір мас күйінде болған. Полицейлер мен пробация қызметкерлері оны алкогольдік масаң күйде байқап, медициналық тексеруден өткізу үшін орталық ауруханаға жеткізген. Алайда тексеруден тыныш өтудің орнына, ол полицейлерге қатысты ар-намысы мен қадір-қасиетін қорлайтын сөздер айтуға кірісті.

Сараптама қорытындысы бойынша бейнежазбада айыпталушының қорлайтын сөздер айтқаны расталды. Сонымен қатар бұл азамат бұған дейін бірнеше рет алдын ала сөз байласу арқылы ұрлық жасағаны үшін қылмыстық жауапкершілікке тартылғаны анықталды.

Нәтижесінде сот оны ҚР Қылмыстық кодексінің 378-бабы 1-бөлігі – ("Билік өкілін қызметтік міндеттерін орындау кезінде немесе соларға байланысты қорлау")  бойынша кінәлі деп танып, 30 айлық есептік көрсеткіш көлемінде айыппұл төлеуге міндеттеді.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: