Қазақстан халқының санына қатысты жаңа дерек жарияланды

Ұлттық статистика бюросы бүгін, 2025 жылғы 3 наурызда қазақстандықтардың саны туралы жаңартылған деректерді ұсынды, деп хабарлайды Zakon.kz.

Статистикалық деректерге сүйенсек, 2025 жылғы 1 ақпандағы жағдай бойынша Қазақстан халқының саны 20 20 300 618 адамды құрады, оның ішінде:

• қала тұрғындары - 12 795 502;
• ауыл тұрғындары – 7 505 116.

Айта кетсек, бір айда қазақстандықтардың саны 14 534 адамға өсті.

Сондай-ақ, еліміздегі әйелдер ер адамдарға қарағанда 462 136-ға көп екенін ескерген жөн:

• әйелдер - 10 381 377;
• ерлер – 9 919 241.

Халық ең көп қоныстанған өңірлер әлі де Алматы және Түркістан облысы болып табылады: онда тиісінше 2 297 491 және 2 154 144 адам тұрады. Қазіргі уақытта Астанада 1 536 924 адам тұрады. Қазақстанның үшінші ірі қаласы – Шымкенттегі халық саны - 1 258 878.

Естеріңізге сала кетейік, 2024 жылғы 1 желтоқсандағы жағдай бойынша Қазақстан халқының саны 20 265 320 адамды құраған. Ал 2025 жылдың 1 қаңтарында елімізде 20 286 084 адам тұратыны хабарланған.