Қазақстанда 8 Наурыз мерекесінде 366 қыз дүниеге келді

8 Наурыз мерекесінде Қазақстанда перзентханалардың акушер-гинекологтары 764 босандыруды сәтті жүргізді, деп хабарлайды Zakon.kz.

ҚР Денсаулық сақтау министрлігінің ақпаратынша, барлығы 769 сәби, оның ішінде 366 қыз, 403 ұл дүниеге келді. Сондай-ақ 5 егіз енді 8 наурызда туған күнін атап өтеді.

"Жаңа туған нәрестелердің ең көп саны Түркістан облысында тіркелді, онда 126 бала туды, екінші орында Алматы - 76 сәби, Шымкент – 71 және республиканың астанасында 65 бала дүниеге келді",- делінген ақпаратта.

Бұған дейін құтқарушылардың ақтүтек боранда қалып қойған отбасыға көмектескендігі хабарланған болатын.