Тәлімгерлік ұйымдар жетім балалар туралы қандай ақпаратты ұсынуы қажет

Білім министрлігі тәлімгерлік ұйымдарға берілетін жетім балалар мен ата-анасының қамқорлығынсыз қалған балалар туралы ақпарат көлемін анықтау мақсатында бұйрық жобасын дайындады, деп хабарлайды Zakon.kz.

Тәлімгерлік ұйымдарға берілетін жетім балалар, ата-анасының қамқорлығынсыз қалған балалар туралы мәліметтердің көлемі жынысы, жасы, денсаулық жағдайы, мінез-құлық ерекшеліктері, ата-анасының қамқорлығынсыз қалу себептері, аға-інілері мен апа-сіңлілерінің, кәмелетке толған туыстарының болуы туралы мәліметтерді, сондай-ақ жетім балалардың, ата-анасының қамқорлығынсыз қалған балалардың республикалық дерекқорында орналасқан балалардың фотосуреттерін, ата-анасының қамқорлығынсыз қалған балаларды олардың отбасыларына қабылдауға тілек білдіретін мәтінді қамтитыны белгіленсін.

Құжат "Қазақстан Республикасының кейбір заңнамалық актілеріне мәдениет, білім және тәлімгерлік мәселелері бойынша өзгерістер мен толықтырулар енгізу туралы" заңға сәйкес әзірленген.

Бұйрықты қабылдау теріс әлеуметтік-экономикалық немесе құқықтық салдарға әкеп соқпайды,- деп түсіндіреді әзірлеушілер.

Жоба 2025 жылдың 31 наурызына дейін қоғамдық талқылау үшін Ашық НҚА порталында орналастырылған.

"Болашақ" стипендиясын пайдаланып, бакалавриатта оқуға болатынын хабарлаған болатынбыз.