Алуа Балқыбекова бокстан әлем чемпионатының финалына өтті

Бокстан Қазақстан құрамасының спортшысы Алуа Балқыбекова (50 келіге дейін) Сербияның Ниш қаласында өтіп жатқан бокстан әлем чемпионатының жартылай финалдық жекпе-жегінде жеңіске жетті, деп хабарлайды Zakon.kz.

Спортшы Солтүстік Корея құрамасының атынан сынға түскен Ан Кум Бёлге қарсы кездесуді сенімді өткізді.

Балқыбекова шаршы алаңда шебер өнер көрсетіп, жақсы қорғана білді. Сонымен қатар оның шабуылдары дәлдігімен ерекшеленді.

Айта кетейік, бұған дейін Назым Қызайбай (48 келі) мен Виктория Графеева (60 келі) да финалға жолдама алған болатын.