Бокстан ӘЧ-2023: Алуа Балқыбекова қарсыласын айқын басымдықпен ұтты

Бокс, сурет - Zakon.kz жаңалық 18.03.2023 16:37

Сурет: Instagram/boxingkazakhstan

2022 жылғы әлем чемпионатының күміс жүлдегері және 2022 жылғы Азия чемпионы Алуа Балқыбекова Нью-Делиде (Үндістан) өтіп жатқан 2023 жылғы әлем чемпионатындағы алғашқы жекпе-жегінде айқын басымдықпен жеңіске жетті, деп хабарлайды Zakon.kz.

"Барлық қазақстандықтарға Үндістаннан үлкен сәлем! Менің алғашқы жекпе-жегім аяқталды. Құдайға шүкір, жеңіске жеттік. Мені қолдаушы барлық жанкүйеріме, туыстарыма және достарыма алғыс айтамын! Өздеріңіздің қолдауларыңыздың, Алла Тағаланың және жаттықтырушыларымның арқасында бүгін жеңіске жеттім! Келесі жекпе-жектерде қыздарға жеңіс тілеймін. Өздеріңіздің арқаларыңызда біз, бір команда ретінде жеңістерге қол жеткіземіз. Рақмет!", деп Қазақстан бокс федерациясының баспасөз қызметі Балқыбекованың сөзін келтіреді.

Айта кетсек, алғашқы жекпе-жекте Балқыбекова Сингапур өкілі Кей Ван Чи Вайды 5:0 есебі бойынша айқын басымдықпен ұтты.

Оқи отырыңыз