ІІМ: Үш айда республика бойынша 69 есірткі зертханасы анықталды

Үш айда республика бойынша 69 есірткі зертханасы жойылды. 18 ұйымдасқан қылмыстық топтың жолы кесілді, деп хабарлайды Zakon.kz.

Үш тоннадан астам есірткі заттары тәркіленді.

Оның ішінде:

• 250 келі синтетика;
• 1 тонна 642 келі марихуана;
• 238 келі гашиш;
• 322 грамм героин.

"Жыл басынан бері 1 425 адам, оның ішінде 76 әйел, 23 жасөспірім және 9 шетел азаматы ұсталды. Есірткі қылмысын анықтау және жолын кесу бойынша жұмыс жалғасып жатыр", - деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.