Ақтөбеде ұрлық жасаған жасөспірімнің әкесі жазаланды

Ақтөбе облысы Қобда ауданында тұратын 14 жастағы бала өз бетінше Ақтөбеге барған. Жасөспірім адам көп жиналатын жерге барып, келушілердің бірінің телефонын жасырын ұрлаған, деп хабарлайды Zakon.kz.

Полиция баладан телефонды тәркілеп, өзін профилактикалық есепке алды.

1 сәуірде Қобда аудандық сотында осы кәмелетке толмағанның ата-анасына қатысты әкімшілік іс қаралды. Баланы тәрбиелеу және оған білім беру, оның құқықтарын және мүдделерін қорғау жөніндегі міндеттерді орындамағаны үшін баланың әкесі сот шешімімен кінәлі деп танылды.

Баласының тәрбиесіне бейжай қараған ер адам бес тәулік мерзімге әкімшілік қамаққа алынды.