Қазақстан БҰҰ-ның Есірткі құралдары жөніндегі комиссиясының мүшесі болып сайланды

Нью Йоркте БҰҰ Экономикалық және әлеуметтік кеңесінің отырысы барысында 2026-2029 жылдар кезеңіне арналған Есірткі құралдары жөніндегі комиссияның жаңа мүшелерін сайлау рәсімі өтті, деп хабарлайды Zakon.kz.

ҚР СІМ мәліметінше, дауыс беру қорытындысы бойынша, Қазақстан ЭКОСОС мүшелерінің басым дауысын жинап, Азия-Тынық мұхиты өңірлік тобы атынан Комиссияның мүшесі болып сайланды.

Есірткі құралдары жөніндегі комиссия – халықаралық деңгейде есірткі айналымын бақылауға қатысты келісімдердің орындалуын қадағалайтын және жаһандық үрдістерді саралап, халықаралық ынтымақтастықты күшейтуге бағытталған ұсынымдар әзірлейтін БҰҰ-ның негізгі органы. 

Бұған дейін Владимир Зеленскийдің Украинаның Қазақстандағы жаңа елшісін тағайындағаны хабарланған болатын