Доминиканда түнгі клубтың шатыры құлап, 44 адам қаза тапты

Доминикан Республикасының Төтенше жағдайлар орталығының директоры Хуан Мануэль Мендес клубтағы шатырдың опырылып түсуінен қаза тапқандар саны 13-тен 44-ке дейін өскенін, тағы 146 адам түрлі жарақаттармен ауруханаға жатқызылғанын мәлімдеді, деп хабарлайды Zakon.kz.

Diario Libre агенттігі қирандылар астында әлі де адамдардың болуы мүмкін екенін жазды.

"Jet Set түнгі клубындағы шатырдың құлауынан қаза тапқандар саны 44 адамға жетті, ал 146 адам түрлі жарақаттармен Санто-Доминго ауруханалары мен емханаларына жеткізілді", – деді Мендес .

Оның айтуынша, іздеу жалғасуда, себебі үйінділердің астында әлі де тірі адамдар бар болуы мүмкін. Құтқару жұмыстарына жылу камералары мен акустикалық сенсорлық жабдықтар қолданылуда.

🗣️¡Reportan 44 fallecidos y 144 trasladados en tragedia en Jet Set!🚑

El director del Centro de Operaciones de Emergencias (@COE_RD), general Juan Manuel Méndez, informó el número de fallecidos son 44 y 144 trasladados tras la tragedia en el @JetSetClubRD.

De acuerdo con el… pic.twitter.com/htJNuJanZR

— El Nuevo Diario (@elnuevodiariord) April 8, 2025

"Әзірге үміт бар, жұмысты жалғастырып жатырмыз. Тірі қалғандардың бар екендігіне үміт беретін сигналдар бар",- деді ол оқиға орнынан.

Бұған дейін Индонезияда 5 баллдық зілзала тіркелгендігі хабарланған болатын.