Ханзада Гарри Украинаға жасырын түрде барып қайтты

10 сәуірде Ұлыбритания королі Чарльз III-тің кенже ұлы украинаның Львов қаласына жарияланбаған сапармен барды, деп хабарлайды Zakon.kz.

Ол төрт ардагермен бірге Львовтың Superhumans Center клиникасына барды, онда украиналық қорғаушылар оңалтудан өтеді. Бұл туралы ақпаратты The Telegrapf өзінің Х желісіндегі парақшасында жариялады.

👑 Prince Harry visited victims of the war in Ukraine as he made an unannounced visit to the war-torn country pic.twitter.com/5DobJ3U24V

— The Telegraph (@Telegraph) April 10, 2025

Ол клиникада жараланған украин ардагерлерімен сөйлесті. Сондай-ақ, ханзада Украина ардагерлер істері министрі Наталья Калмыковамен кездесті.

Корольдік өкілдің Львовқа сапары туралы украиналық кәсіпкер және Superhumans Center негізін қалаушы Андрей Ставницер те өзінің Facebook парақшасында жазды.

Бұл ретте, ханзада Гарридің Украинаға сапары жайлы ол Украина территориясынан шыққаннан кейін ғана жарияланды.

Бұған дейін Нью-Йоркте тікұшақ апатында Siemens компаниясының басшылық қызметіндегі маман қайтыс болғандығы хабарланған болатын.