Тасқынның үшінші толқыны: СҚО әкімі өңірдегі ахуал жайлы айтып берді

СҚО әкімі Ғауез Нұрмұхамбетов бүгін, 2025 жылғы 25 сәуірде Петропавл мен Қызылжар ауданындағы су тасқыны жайлы ахуалды айтып берді, деп хабарлайды Zakon.kz.

Сондай-ақ, өңір басшысы атқарылып жатқан жұмыс барысындағы суреттер мен бейнежазбаларды өзінің Instagram парақшасына жүктеді.

Посмотреть эту публикацию в Instagram

Публикация от Ғауез Нұрмұхамбетов (@gaueznurmukhambetov)

"Қазір Петропавл мен Қызылжар ауданында су тасқынының үшінші толқыны өтіп жатыр. Осыған байланысты өзендер мен гидротехникалық нысандардың жағдайы тәулік бойы бақылауда. Барлық қызметтер күшейтілген режимде жұмыс істеуде",- деп жазды әкім.

Оның айтуынша, Тепличное ауылында елді мекеннің қауіпсіздігін қамтамасыз ету мақсатында қорғаныс бөгетін нығайту бойынша алдын алу шаралары жүргізілуде.

Посмотреть эту публикацию в Instagram

Публикация от Ғауез Нұрмұхамбетов (@gaueznurmukhambetov)

"Бұл жұмыстар түнде де жалғасты. Оған Төтенше жағдайлар министрлігі, Ішкі істер министрлігі, Ұлттық гвардия және жергілікті атқарушы органдардың 900-ден астам қызметкері жұмылдырылған. Тасқын жағдайы ерекше бақылауда".

СҚО әкімдігі таратқан ақпаратқа сүйенсек, сағат 14:00-дегі жағдай бойынша Петропавлдағы Есіл өзеніндегі су деңгейі – 1142 см.

"Соңғы екі сағат ішінде +2 см",- деп нақтылады әкімдік.

Бұған дейін елімізде заңсыз алтын өндірумен айналысқан 5 кәсіпорын анықталғандығы хабарланған болатын.