Астанада пластик қалдықтары сақталған ангардан алапат өрт шықты

29 сәуір күні Астананың Байқоңыр ауданында пластик қалдықтары сақталған бөлек тұрған ангардан өрт шықты, деп хабарлайды Zakon.kz.

Төтенше жағдайлар министрлігінің мәліметінше, өрт Алаш тас жолының бойындағы ангарда тұтанған.

Оқиға орнына өрт сөндірушілер жоғары дәрежелі шақырту бойынша жеткен. Өртті сөндіру жұмыстары қатты соққан желге байланысты қиындатқан.

Сурет: Төтенше жағдайлар министрлігінің баспасөз қызметі

"Өрт толықтай сөндірілді, жалпы аумағы – 280 шаршы метр", - деп нақтылады ведомство.

Сурет: Төтенше жағдайлар министрлігінің баспасөз қызметі

Қазір оқиғаның мән-жайы анықталып жатыр. Зардап шеккендер туралы ақпарат жоқ.