Жамбылда қазақ күресінен «Қолбасшы Қойгелді» атындағы ІІІ республикалық турнир өтті

2025 жылдың 27 сәуірінде Жамбыл облысы әкімдігінің қолдауымен Талас ауданының орталығы — Қаратау қаласында қазақ күресінен 2008-2009 жылы туған жасөспірімдер арасында «Қолбасшы Қойгелді» атындағы ІІІ республикалық турнир өтті.

Турнирді Жамбыл облысы әкімінің орынбасары Серік Сәлемов құттықтау сөзбен ашты.

Дүбірлі додаға еліміздің 11 өңірінен келген 393 жас балуан қатысты. Турнирдің басты мақсаты — жастар арасында ұлттық спортты дамыту және жас спортшылардың шеберлігін шыңдау.

Бұл жарыс Қазақстан жастарының ұлттық спортқа деген қызығушылығы мен құрметінің артып келе жатқанын айқын көрсетті.

Сурет: Жамбыл облысы әкімінің баспасөз қызметі

Турнир барысында жас балуандар спорттық бәсекеден бөлек, ел рухын асқақтатып, ұлттық құндылықтарды насихаттауға бағытталған маңызды іс-шараның қатысушылары атанды.

Сурет: Жамбыл облысы әкімінің баспасөз қызметі

Айта кетейік, "Қолбасшы Қойгелді" атындағы турнир алғаш рет 2022 жылы облыстық деңгейде басталып, 2023 жылдан бері республикалық мәртебеге ие болып келеді.

Сурет: Жамбыл облысы әкімінің баспасөз қызметі

Үш күнге созылған жарыс қорытындысында жеңімпаздар арнайы медальдармен және бағалы сыйлықтармен марапатталды.