Алматы облысында "Имамдар барысы" атты қазақ күресінен турнир өтті

13 маусым күні, Облыс орталығы Қонаев қаласында "Ислам және ізгі қоғам" жылы аясында Қазақстан мұсылмандары діни басқармасының Алматы облысы өкілдігі мен облыстың дене шынықтыру және спорт басқармасының ұйымдастырумен "Имамдар барысы" атты қазақ күресінен турнир өтті.

Имамдар арасындағы қазақ күресіне Алматы облысына қарасты қала, аудан, ауыл мешіттерінің имамдары қатысты.

Турнирге жалпы 30 ға жуық дін қызметкері екі салмақта, яғни 60 – 80 келі, 80 – 100 келі салмақ дәрежелерінде бақ сынасты.

Сурет: Алматы облысы әкімінің баспасөз қызметі

Турнирде жүлделі орын алған жеңімпаздар ақшалай сыйақы және арнайы медальмен марапатталды.

Сурет: Алматы облысы әкімінің баспасөз қызметі

Жүлделі бірінші орынға умраға жолдама берілді.