"Нөсер жаңбыр жауып, қатты жел тұрады": Мамыр айының басында ауа райы қандай болады

Синоптиктер Қазақстан бойынша алдағы үш күнге – 2025 жылғы 3 мамырдан 5 мамырға дейін болжам жасады. Бұдан республикада тұрақсыз ауа райы күтілетіні белгілі болды, деп хабарлайды Zakon.kz.

"Қазгидромет" РМК мәліметінше, еліміздің оңтүстігінде ғана жауын-шашынсыз ауа райы сақталады.

"Мамыр айының басында Қазақстанда барикалық түзілістердің жылдам өзгеруіне байланысты тұрақсыз ауа райы күтіледі: найзағай ойнап, жел күшейеді, түнде республиканың солтүстігінде, шығысында және оңтүстік-шығысындағы таулы аймақтарда жауын-шашын (жаңбыр, қар) жауады", – делінген хабарламада.

Бүгін, 2 мамырда республиканың оңтүстік-шығысында қатты жаңбыр, таулы аймақтарда қатты жауын-шашын (жаңбыр, қар) күтіледі.

"Күндіз Қазақстанның солтүстік-батысында, солтүстігінде, орталығында және оңтүстік-шығысында бұршақ жаууы мүмкін. Республиканың батысы мен оңтүстігінде шаңды дауыл соғады. Түнде және таңертең республиканың барлық аумағында тұман күтіледі". "Қазгидромет" РМК

Гидрометеорологиялық орталық температураның күрт өзгеруі күтілмейтінін атап өтті.