Спорт жаңалықтары 
25 маусымға дейін смартфон верификацияланбаса не болады - министрлік түсіндірмесі
Фото: pexels
Ол ірі қалалар мен облыс орталықтарындағы негізгі сату нүктелерінде түсіндіру жұмыстары жүргізілгенін атап өтті. Көптеген техника сатушылары жаңа енгізулер туралы біледі. Сатып алушы верификацияланбаған телефонды сатушыға қайтаруға құқылы, өйткені тұтынушылардың құқықтары туралы заңға сәйкес, ұялы телефонды қайтаруға 14 күн беріледі. Мұндай жағдайда ол ақаулы деп есептеледі. Сондай-ақ жеке тұлға 25 маусымнан кейін смартфонды өз бетінше верификациялай алады.
"Сіз kz-imei.kz порталына кіре аласыз. Онда барлық нұсқаулықтар, инфографика бар. Қазақ және орыс тілдерінде. Сондай-ақ eGov Mobile қосымшасында функционал бар. Басты бетте "imei-ді тексеріңіз" деген бөлім бар. Сіз imei-ді енгізесіз. Егер ол верификацияланбаған болса, сізге осы порталға өту үшін сілтеме ұсынылады. Онда оны қалай орындау керектігі туралы түсініктеме бар", – деді Дамир Сейсембеков.
Ол ірі бизнес, онлайн-платформалар және маркетплейстермен жұмыс жүргізілгенін қосты. Олардың қосымшаларында тауардың верификацияланғанын немесе верификацияланбағанын көру мүмкіндігі пайда болады. Жаңа ережелер әзірге тек ұялы байланыс құрылғыларына қатысты, бірақ SIM-карталар қолданылатын планшеттерге де қатысты жоспарлар бар.
"Егер телефон верификациядан өтпесе, онда SMS келеді және ол сұр тізімге түседі. Тиісінше, сізде оны 30 күн ішінде ақ тізімге ауыстыру мүмкіндігі болады", – деп түсіндірді комитет басшысы.
30 күннен кейін телефон қара тізімге түседі. Ол ұялы байланыс желілерінде бұғатталады. Бірақ пайдаланушы құрылғы қара тізімде болған күннің өзінде гаджетті верификациядан өткізе алады.
"Қара тізімде болу сізге бұл телефонды пайдалануға мүмкіндік бермейді. Бұл шара ең алдымен ұялы байланыс желілеріндегі интернет-алаяқтықпен күресуге бағытталған", – деп қорытындылады Дамир Сейсембеков.
Бұған дейін 2025 жылдың басынан бері 159 мың әкімшілік құқықбұзушылық анықталғандығы хабарланған болатын.
