Жаңа туған сәби тікұшақпен Қызылордаға шұғыл жеткізілді

ҚР ТЖМ "Қазәуеқұтқару" АҚ экипажы медициналық авиация желісі бойынша Қызылорда – Жаңақорған – Қызылорда бағытымен рейс орындады. Тікұшақ жаңа ғана дүниеге келген қыз баланы ауруханаға жеткізу үшін жұмылдырылды, деп хабарлайды Zakon.kz.

ҚР Төтенше жағдайлар министрлігінің баспасөз қызметі хабарлауынша, ұшу командирі Назель Нұрғалиева басқаратын экипаж құрамында екінші ұшқыш ретінде Бейсенғали Тоғызбаев болған.

"Экипаж бен дәрігерлердің үйлесімді жұмысының арқасында науқас сәтті түрде арнайы медициналық мекемеге жеткізілді", - делінген ресми хабарламада.