Спорт жаңалықтары 
Алматыда бір күнде болған екінші автобус апаты: жеңіл көлік жарнама тақтасына соғылды
Сурет: Zakon.kz
Zakon.kz тілшісінің апат орнынан хабарлауынша, оқиға Мақатаев пен Мәметова көшелерінің арасында болған.
Сурет: Zakon.kz
Hyundai Sonata автокөлігі солтүстік бағытта оң жақ жолақпен келе жатқан. Жүргізуші ауланың ішіне бұрылмақ болған сәтте, көлікке 210-маршруттағы автобус қатты жылдамдықпен келіп соғылған.
Сурет: Zakon.kz
Қатты соққыдан кейін Hyundai жолдан шығып кетіп, бордюр мен арықты асып өтіп, жарнама тақтасына соғылған.
Сурет: Zakon.kz
Жол апаты салдарынан шетелдік көліктің жүргізушісі зардап шекті. Ол ауруханаға жеткізілді.
Автобус жүргізушісінің айтуынша, қоғамдық көлік бос болған, сол себепті басқа жолаушылар зардап шекпеген.
Қазіргі уақытта полиция қызметкерлері апаттың мән-жайын анықтап жатыр.
Еске салайық, бұған дейін Жандосов пен Яссауи көшелерінің қиылысында автобус пен жеңіл көлік соқтығысқан еді. Автобус жүргізушісі әуелі шетелдік көлікпен, кейін үйге соғылған еді.
