Көпшілік, қару-жарақ және қауіпті нысандар: полиция "ақылды" камералардың көмегімен нені анықтайды

ҚР ІІМ Ақпараттық технологиялар және коммуникациялар департаментінің басшысы Сергей Варго полицейлердің күнделікті өмірінде қандай цифрлық шешімдерді қолданатынын айтты, деп хабарлайды Zakon.kz тілшісі.

Сергей Варго өткен жылы ШЫҰ саммиті аясында жасанды интеллектке негізделген шешім енгізілгенін еске салды.

"Нәтижесі бар. Қазір 19 мың "ақылды" камера бет-әлпетті, топырлаған адамдарды, қару-жарақтарды, қараусыз қалған заттарды таниды. Олардың көмегімен қазірдің өзінде 585 есепте тұрған, оның ішінде іздеуде жүргендер ұсталды", – деді ол.

Ішкі істер министрлігі жүйенің функционалдығын, оның ішінде іздеу параметрлерін көрсетті.

"Экранда бет-әлпетті тану модулінің жұмысы көрсетілген. Камера Астана әуежайында орнатылған. "Әлеуетті" қылмыскер нысаннан шығып жатыр. Нақты уақытта жедел басқару орталығы қызметкерлері тиісті хабарлама алады (екі қысқа қоңырау сигналы – Ред.). Орталықтың дабыл мониторы дыбыс сүйемелдеуімен оқиғаларды қорытындылайды. Сондай-ақ жыныс, жас, сақал, көзілдірік, бетперде, бас киім және т.б атрибуттар бойынша іздеу жүргізіледі", – деп қосты спикер.

Полиция сонымен қатар патрульдік смарт токендерді пайдалана отырып, бет-әлпетті тану жүйесін енгізуде. Қазіргі уақытта 7000-нан астам құрылғы қолданылуда, олардың көмегімен 81 тұлға танылды.

Бұған дейін Сергей Варго Астанада "цифрлық күмбез" деп аталатын құрылыстың қалай жасалып жатқанын айтып берген болатын. Бұл бейнебақылаудың ондаған шақырымды басып өтуіне және сол арқылы қылмыспен күресуге мүмкіндік беретін бірнеше камералар жүйесі болмақ.