Жасөспірімдердің 40 пайызы энергетикалық сусындарға тәуелді

Елімізде жасөспірімдердің 40%-ы энергетикалық сусындарға тәуелді. Ұлттық қоғамдық денсаулық сақтау орталығы жүргізген соңғы зерттеулердің нәтижесі осындай.

Оқу-ағарту министрлігі де балаларға сатуға тыйым салынса да, саудасы қызып тұрғанын айтып, кәсіпкерлерге үндеу жасады.

"Энергетикалық сусын сатып алуға келген адамның жасын растайтын құжатты тексеріңіздер.

Сөрелерде тек зияны жоқ екені дәлелденген өнімдер тұруы тиіс" делінген министрліктің хабарламасында.

Еске салсақ, 1 қаңтардан бастап энергетикалық сусындарды 21 жасқа толмағандарға сатуға заң жүзінде тыйым салынды, деп жазады qazaqstan.tv.

Бұған көнбейтін кәсіпкерлер әуелде 55 мың, қайталанса 2 есе "айып" төлейді.