Ішкі істер министрлігі Қазақстанда қанша шетел азаматы тұратынын мәлімдеді

2025 жылғы 22 шілдеде өткен үкімет отырысында Ішкі істер министрінің орынбасары Бауыржан Әленов ағымдағы статистика – Қазақстанда қанша шетелдік азамат тұратынын айтты, деп хабарлайды Zakon.kz тілшісі.

Спикердің айтуынша, жыл сайын Қазақстанға келетін шетелдіктер санының артуы байқалады.

"2025 жылдың бірінші жартыжылдығында 7,5 миллионнан астам шетелдік келді, бұл өткен жылдың сәйкес кезеңімен салыстырғанда 600 мыңға көп. 90 пайызы ТМД елдерінен келгендер. Елімізде 212 мың шетелдік тұрақты тұрады, оның ішінде негізінен Алматыда – 42 мың, Алматы облысында – 32 мың, Астана мен Қарағанды облысында – 17 мың. Үш жылдың ішінде олардың саны 42%-ға өсті", – деді Әленов.

Уақытша тұруға – 430 мың, оның 360 мыңы жұмысқа. Отбасын біріктіруге 17 мың, оқуға 8 мың шетелдік келген.

Бұған дейін Бауыржан Әленов ұлттық төлқұжаттың қорғалу деңгейін арттыру жоспары туралы мәлімдеген болатын.