Алматыда полиция жол қозғалысы ережесін өрескел бұзған жүргізушілерді анықтады

Әлеуметтік желілерде бірнеше көлік жүргізушісі тарапынан жол жүру ережелерінің өрескел бұзылғаны түсірілген бейнежазба тарады.

Кадрларда қарама-қарсы жолақпен жүру, артқа қозғалу, агрессивті жүргізу және басқа да қауіпті маневрлер жасалған.

Аталған дерек бойынша жергілікті полиция қызметімен тексеру жүргізіліп, жүргізушілер анықталды. Барлық көлік арнайы айыппұл тұрағына қойылды.

Жол қозғалысының басқа қатысушыларына қауіп төндіріп, автокөлікті артқа қарай жүргізген жүргізушілердің бірі сот шешімімен 10 тәулікке әкімшілік қамауға алынды.

Жергілікті полиция қызметі басқармасының бастығы Серік Шумаев жол ережесін елемеу ауыр салдарға алып келуі мүмкін екенін атап өтті.

"Жол — бейқамдықты кешірмейді, ал жол жүру ережелерін әдейі елемеу жазасыз қалмайды. Жолдағы қауіпсіздік — барлығымыздың ортақ жауапкершілігіміз. Әрбір жүргізуші тәуекелге толы маневрлер біреудің өмірін жалмауы мүмкін екенін есте ұстауы қажет", – деді, Серік Шумаев.

Полиция жол қозғалысы ережелерін сақтауға және жолда басқа қатысушыларға құрметпен қарауға шақырады.