Мемлекет басшысы Алматы облысының екі тұрғынын марапаттады

23 шілдеде Алматы облысының тұрғындары Серікбек Сақайбеков пен Валентина Мулявкоға Қазақстан Президенті Қасым-Жомарт Тоқаевтың атынан сыйлықтар табыс етілді, деп хабарлайды Zakon.kz.

Мемлекет басшысы Қасым-Жомарт Тоқаевтың атынан облыс әкімі Серікбек Алдабергенұлы Сақайбековке Алғыс хат табыстады, деп хабарлайды облыс әкімдігінің баспасөз қызметі.

Ауыл тұрғыны маусым айының соңында Алмалыбақ ауылында ит шабуылына ұшыраған 10 жасар баланы ажалдан арашалап қалды. Оқиға 30 маусым күні футбол алаңында орын алған. Баланың көмекке шақырған даусын естіп, Серікбек Сақайбеков ойланбастан көмекке ұмтылып, өз өміріне қауіп төнсе де баланы құтқарып қалған.

Облыс әкімі ерлік иесіне алғысын білдіріп, мұндай оқиғалар қоғамдағы бейжай қарамаудың азаймағанын, шынайы жанашырлықтың бар екенін көрсететінін атап өтті.

Сондай-ақ, отырыс барысында еліміздің су шаруашылығын дамытуға және халықты ауыз сумен қамтамасыз етуге қосқан елеулі үлесі үшін "Алматыоблсушар" мекемесінің "Іле" өндірістік учаскесінің инженер-гидротехнигі Валентина Леонидовна Мулявко Қазақстан Республикасы Президентінің 2025 жылғы 4 шілдедегі №933 Жарлығымен "Ерен еңбегі үшін" медалімен марапатталды.