Канадалық туристер Алакөлдегі полицей қызға алғыс білдірді

Алакөл көлінде демалып жүрген Канада азаматтары туристік полиция қызметкерінен кеңес сұраған. Олар жергілікті демалыс ережелері мен заңдар туралы ақпарат алғысы келген, деп хабарлайды Zakon.kz.

Полицей қыз ағылшын тілінде барлық қажетті мәліметті беріп, аймақтың картасы мен ескерту парағы бар брошюраны табыстаған.

Сонымен қатар су маңында өзін қауіпсіз ұстау және төтенше жағдайда не істеу керегін де түсіндірген.

"Қонақтар біздің қызметкеріміздің ықыласына ризашылығын білдіріп, Алакөлдің табиғаты мен курорттағы қызмет сапасына таңданғандарын айтты", - дейді полиция департаменті өкілдері.

Айта кетейік, туристік полицияның міндетіне демалушылардың қауіпсіздігін қамтамасыз ету мен ақпараттық қолдау көрсету жатады. Бұл шетелдіктерге де, отандық туристерге де қатысты.