Спорт жаңалықтары 
Қорғаныс министрі мерзімді әскери қызметшілердің тамақтануын жеке барып тексерді
Сурет: ҚР Қорғаныс министрлігі
Қорғаныс ведомствосының басшысы жұмыс сапары барысында қызметтің ұйымдастырылуын, казармалар мен санитарлық аймақтардың жай-күйін, сондай-ақ, тамақтану сапасын тексерді. Мерзімді қызмет сарбаздарын қамтамасыз етуге ерекше назар аударылды.
Сурет: ҚР Қорғаныс министрлігі
Әскери қызметшілермен әңгімелескен министр олардың тұрмыстық жағдайларына, туыстарымен байланысу мүмкіндігіне және бөлімшелердегі моральдық ахуалға қызығушылық танытты. Жабдықтаудың тұрақтылығын атап өткен жеке құрам көрсеткен қамқорлығы үшін қолбасшылыққа алғысын білдірді.
Сурет: ҚР Қорғаныс министрлігі
Сарбаз асханасындағы түскі ас кезінде авиация генерал-лейтенанты Дәурен Қосанов дайындалған тағамдардың әр алуандығы мен сапасын жеке бағалады. Сапар қорытындысы бойынша қолбасшылыққа күнделікті қызметті ұйымдастыруды жақсарту және тәртіпті нығайту туралы нақты нұсқаулар берді.
Сурет: ҚР Қорғаныс министрлігі
Мұндай сапарлар объективті көрініске көз жеткізуге,кемшіліктерді тез анықтап, туындаған мәселелерді оң шешуге мүмкіндік береді.
Бұл ұжымдағы өзара түсіністік пен бірлікті және бөлімшелер жұмысының тиімділігін арттырады, – деп атап өтті министр.
Сурет: ҚР Қорғаныс министрлігі
Қорғаныс министрінің айтуынша, мұндай күтпеген тексерулер әскери қызмет стандарттарын арттыру және тұрақты мониторинг мақсатында жалғасатын болады.
