Спорт жаңалықтары 
Бектенов Ресей мен Қырғызстан шекарасындағы жағдайға қатысты пікір айтты
Сурет: primeminister.kz
Кеңес барысында Еуразиялық экономикалық одақтың (ҚХР, Өзбекстан Республикасы, Түрікменстан) сыртқы шекараларында 2025 жылы 9 өткізу пунктін қайта жаңғырту жоспарланғаны айтылды.
Бүгінгі таңда келесі 4 өткізу пункті пайдалануға берілді:
- Капланбек,
- Атамекен,
- Көлжат,
- Алакөл.
Сонымен қатар, бес нысанды жаңғырту жұмыстары жыл соңына дейін аяқталады деп күтілуде.
"Жоспардан тыс "Жібек жолы" жолаушылар өткізу пункті қайта жаңғыртылып жатыр, оны 2026 жылдың бірінші жартыжылдығында аяқтау көзделіп отыр", – деп хабарлады Үкімет басшысының баспасөз қызметі.
Сондай-ақ, жаңғырту барысында заманауи жағдайлар жасауға ерекше назар аударылып жатқаны атап өтілді – алты жолақты кіреберіс жолдар, барлық қызметтерге арналған бірыңғай инфрақұрылым, соның ішінде электронды бақылау жүйелері қарастырылған.
Баяндамаларды тыңдағаннан кейін, премьер-министр кеден қызметінің жұмысын ұйымдастырудағы әлсіздік пен Ресей мен Қырғызстан шекарасындағы автомобиль өткізу пункттерін жөндеу мерзімдерінің созылып кетуіне байланысты салалық министрліктерді сынға алды.
Осыған байланысты Олжас Бектенов Қаржы министрлігі Мемлекеттік кірістер комитетінің, Көлік министрлігі Автомобиль жолдары комитетінің төрағаларын жұмысты тиісті деңгейде ұйымдастырмағаны үшін жауапкершілікке тартуды тапсырды.
Сонымен қатар, министрліктердің жауапты басшылары өңірлерге жіберіліп, жергілікті жерлерде жұмыстарды үйлестірумен айналысатын болады.
"Кеден қызметінің, әсіресе өткізу пункттерінде жұмыс істейтін қызметкерлер құрамына қойылатын талаптарды күшейту, сондай-ақ жабдықтармен қамтамасыз ету және интернет желісіне қолжетімділік мәселелері бойынша нақты тапсырмалар берілді". Қазақстан Республикасы Үкіметінің баспасөз қызметі
Көлік және қаржы министрлеріне өткізу пункттерін қайта жаңғырту барысы туралы Премьер-Министрге апта сайын есеп беріп отыру тапсырылды.
