Мемлекеттік кірістер комитетінің функциялары кеңейтілді

Қаржы министрі 2025 жылғы 6 қазандағы бұйрығымен Мемлекеттік кірістер комитеті туралы ережеге толықтырулар енгізді, деп хабарлайды Zakon.kz.

Құжатқа сәйкес, комитеттің өкілеттіктері бірнеше жаңа бағыттармен толықты:

• халықаралық шарттарға жатпайтын, шетелдік мемлекеттік органдар мен ұйымдармен өзара ынтымақтастыққа қатысты өз құзыреті аясында құжаттарды жасау, қол қою және келісу;
• көлеңкелі экономикаға қарсы іс-қимыл саласында мемлекеттік саясатты қалыптастыруға қатысу және мемлекеттік органдардың жұмысын үйлестіру;
• көлеңкелі экономикамен күрес шараларын қабылдау.

Бұйрық қол қойылған күнінен бастап күшіне енеді.