Көлсай көлдеріне аққулар қонды: Тарихи сәт бейнежазбаға түсіріліп, желіде тарады

Қазақстандық тревел-блогер және видеограф Анзор Гасаев қар жамылған Көлсай көлдерін түсіру үшін Алматы облысына жол тартты. Ол сапар аясында ерекше көрініске куә болды, деп хабарлайды Zakon.kz.

6 қараша күні ол өзінің Instagram парақшасында видео жариялап, түсірілім кезінде күтпеген сәтте оның қасына екі аққудың қонғанын айтты.

"Көлсайдың айнадай бетін жарып, аппақ екі аққу жүзіп барады – ертегі шынайы өмірге айналғандай", – деп жазды Анзор өз видеосының сипаттамасында.

Посмотреть эту публикацию в Instagram

Публикация от Anzor Gasaev🇰🇿 (@vkadre_kz)

Айта кетерлігі, бұған дейін Көлсай көлдеріне аққулардың қонғаны жайлы ешқандай дерек жоқ.

Бұл ерекше сәт көптеген қазақстандықтардың көңілін елжіретті. Ал кейбір жазылушылары аққулардың қонуын жақсылыққа бағалады.

• Көлсайда аққуды бірінші рет көруім!
• Киелі құс келді, қыс жайлы болмақ
• Қазан көтерердей қуаныш қой бұл)
• Алда тек жақсылық күтіп тұр, олардың келуі бекер емес!
• Аққудың мекеніне айналғай!

Бұған дейін Қазақстанның басым бөлігінде қар, жаңбыр және боран күтілетіндігін жазғанбыз.