Қазақстанда қазір қай жолдар жабық тұр

"ҚазАвтоЖол ҰК" АҚ деректері бойынша ауа райының қолайсыздығына байланысты қазіргі уақытта еліміздің республикалық маңызы бар автожолдарының бірнеше учаскесінде барлық көлік түрі үшін қозғалыс жабық, деп хабарлайды Zakon.kz.

Атырау облысы:

• Атырау қаласы — Құрманғазы ауылы;
• Доссор ауылы — Атырау қаласы;
• Алмалы ауылы — Махамбет ауылы;
• Доссор ауылы — Құлсары ауылы.

Жолды 2026 жылғы 09 наурыз сағат 18:00-де ашу жоспарланған.

Төтенше жағдайлар министрлігі тұрғындарға елдегі ауа райының нашарлауына байланысты келесі қауіпсіздік шараларын сақтауды ескертті:

• дауыл туралы ескертулерді қадағалау;
• жолдардың жабылуы туралы хабарламаларды ескеру;
• алыс қашықтыққа, әсіресе тәуліктің қараңғы уақытында саяхаттаудан және жаяу жүруден бас тарту.