Елордада Астана күнінде қосымша 60 автобус желіге шығарылады

6 шілдеде "Астана Арена" стадионында Open Air концерті өтеді. Қала тұрғындары мен қонақтарының ыңғайлылығы үшін іс-шара аяқталғаннан кейін қоғамдық көліктің жұмысы күшейтіледі, деп хабарлайды Zakon.kz.

"Қосымша 60 автобус желіге шығарылып, бірқатар бағыттардағы автобустар саны артады", деп жазады City Transportation Systems желіде.

• Қала орталығы бағытында: №10, №26, №37, №40, №42, №49, №51, №53, №60, №67 және №501.
• Әуежай бағытында:№10, №26, №37, №40, №42, №49, №51, №53, №60, №67, №302, №303, №308, №309 және №501.

Жол ақысы қолданыстағы қалалық тариф бойынша төленеді. Жеңілдікті және мектеп жол жүру карталарының қолданылуы сақталады.

Жолаушылар легі артатынын ескеріп, сапарларыңызды алдын ала жоспарлау сұралады.

Бұған дейін ертең - Ұлттық домбыра күніне орай еліміздің барлық өңірінде мәдени бағдарлама ұйымдастырылып жатқанын жазғанбыз.