Сенбіде жеті қалада ауаның ластану қаупі жоғарылайды

Синоптиктер 2026 жылғы 22 тамызда Қазақстанның жеті қаласының тұрғындарын ауаның ластануы жоғарылайтыны туралы ескертті, деп хабарлайды Zakon.kz.

22 тамызда Қарағанды, Жезқазған, Балқаш, Теміртау және Алматы қалаларында, ал түнде Астана мен Атырауда қолайсыз метеорологиялық жағдайлар күтіледі.

Қолайсыз метеорологиялық жағдайлар – қысқа мерзімді метеорологиялық факторлардың (желсіздік, әлсіз жел, тұман, инверсия) үйлесуі. Мұндай жағдайлар зиянды (ластаушы) заттардың атмосфераның жерге жақын қабатында жиналуына ықпал етеді.

ҚМЖ кезінде қала тұрғындарына ашық ауада болу уақытын қысқарту, әсіресе автожолдар мен басқа да ластану көздеріне жақын жерде ұзақ жүрмеу ұсынылады. Ал өкпенің созылмалы аурулары, жүрек-қан тамырлары және аллергиялық аурулары бар адамдарға далаға шыққанда қажетті дәрі-дәрмектерін өзімен бірге алып жүруге кеңес беріледі.